سیو آور پاک
پاکستانی سیکیورٹی فورسز کی جانب سے افغان سرحدی پوسٹوں پر کارروائی کی مزید تفصیلات سامنے آ گئی ہیں۔ ذرائع کے مطابق یہ کارروائی افغان طالبان رجیم کی مبینہ بلااشتعال حرکت کے جواب میں کی گئی، جس کے تحت "آپریشن غضب للحق” جاری ہے۔
سیکیورٹی ذرائع کا کہنا ہے کہ فضائیہ اور بری افواج کی مشترکہ کارروائیوں کے نتیجے میں افغان طالبان کے 133 اہلکار ہلاک جبکہ 200 سے زائد زخمی ہوئے۔ اس دوران 27 افغان چوکیاں مکمل طور پر تباہ کر دی گئیں۔ مزید یہ کہ 9 اہم افغان پوسٹوں پر قبضہ کر کے وہاں پاکستان کا قومی پرچم لہرا دیا گیا۔
ذرائع کے مطابق پکتیا کے علاقے میں پاکستان نے 5 افغان پوسٹوں پر کنٹرول حاصل کیا اور وہاں سبز ہلالی پرچم نصب کر دیا۔ قبضے میں آنے والی پوسٹوں میں دو شوال کے سامنے، دو انگور اڈا کے سامنے جبکہ ایک زرملان کے مقابل واقع تھی۔
کارروائی کے دوران پاک فوج نے انگور اڈا میں موجود افغان ٹرمینل کو بھی نشانہ بنا کر تباہ کر دیا۔ حکام کے مطابق پاکستانی فورسز کے بھرپور جواب کے باعث افغان طالبان کو بھاری نقصان اٹھانا پڑا۔
مزید سرکاری مؤقف کا انتظار کیا جا رہا ہے، تاہم سرحدی صورتحال پر نظر رکھی جا رہی ہے۔
