سیو آور پاک
سندھ میں کالجز کے محکمے میں ایک اہم انتظامی تبدیلی کی گئی ہے جہاں گریڈ 20 کے پروفیسر اور ڈائریکٹر جنرل کالجز سندھ، پروفیسر ڈاکٹر نوید رب صدیقی کو ان کے عہدے سے ہٹا دیا گیا ہے۔
نئے نوٹیفکیشن کے مطابق میرپورخاص ریجن کے ریجنل ڈائریکٹر اور گریڈ 20 کے پروفیسر میر چند اوڈ کو ڈائریکٹر جنرل کالجز سندھ کا اضافی چارج دے دیا گیا ہے۔ اس فیصلے کے بعد وہ صوبے بھر کے کالجز کے انتظامی معاملات کی نگرانی کریں گے۔
ڈاکٹر نوید رب صدیقی کو نئے عہدے کے طور پر گورنمنٹ بوائز کالج گلستانِ جوہر کراچی کا پرنسپل مقرر کر دیا گیا ہے۔ حکومتی ذرائع کے مطابق یہ تبدیلیاں محکمہ تعلیم کی انتظامی بہتری اور نظام کو مؤثر بنانے کے لیے کی گئی ہیں۔
