سیو آور پاک
پاکستان اسٹاک ایکسچینج میں آج سرمایہ کاروں کیلئے شاندار دن ثابت ہوا۔ مارکیٹ نے اپنی تاریخ کی نئی بلندیاں چھو لیں اور ہنڈریڈ انڈیکس 2,976 پوائنٹس اضافے کے ساتھ 1,62,257 پوائنٹس پر بند ہوا۔ کاروبار کے دوران انڈیکس ایک موقع پر 1,62,422 پوائنٹس تک بھی پہنچ گیا جو کہ اب تک کی بلند ترین سطح ہے۔
گزشتہ روز ہنڈریڈ انڈیکس 1,59,280 پوائنٹس پر بند ہوا تھا، اس لحاظ سے آج کا اضافہ سرمایہ کاروں کے اعتماد اور مارکیٹ میں سرگرمی کا بڑا ثبوت ہے۔ تجزیہ کاروں کے مطابق یہ مثبت رجحان پالیسیوں اور کاروباری ماحول میں بہتری کے اشارے دیتا ہے اور آنے والے دنوں میں مزید سرمایہ کاری کے امکانات کو بڑھا سکتا ہے۔
