سیو آور پاک
وزیراعظم شہباز شریف نے وفاقی کابینہ کا اہم اجلاس کل طلب کر لیا ہے، جس میں ملک کی مجموعی معاشی اور سیاسی صورتحال پر تفصیلی غور کیا جائے گا۔
ذرائع کے مطابق اس اجلاس میں کابینہ کمیٹیوں کی جانب سے کیے گئے فیصلے توثیق کے لیے پیش کیے جائیں گے۔ اجلاس کے دوران قومی نوعیت کے کئی اہم امور پر بات چیت متوقع ہے۔
ذرائع کا کہنا ہے کہ مختلف وزارتوں اور ڈویژنز کی سمریاں بھی منظوری کے لیے اجلاس کے ایجنڈے میں شامل کی گئی ہیں، جن پر کابینہ اراکین غور کریں گے۔
وفاقی کابینہ کا یہ اجلاس کل صبح 10 بجے منعقد ہوگا۔ کابینہ ڈویژن نے اجلاس کے انعقاد سے متعلق تمام کابینہ اراکین کو باقاعدہ طور پر آگاہ کر دیا ہے۔
