سیو آور پاک
چیف جسٹس پاکستان یحییٰ آفریدی کے بیٹے کی گاڑی اسلام آباد میں ایک حادثے کا شکار ہو گئی، تاہم خوش قسمتی سے اس واقعے میں کوئی جانی نقصان نہیں ہوا۔
ذرائع کے مطابق یہ حادثہ سپریم کورٹ کے سامنے شاہراہِ دستور پر پیش آیا۔ بتایا گیا ہے کہ ایک موٹر سائیکل کو بچانے کی کوشش کے دوران گاڑی بے قابو ہو کر سڑک کے ڈیوائیڈر سے جا ٹکرائی۔
حادثے کی اطلاع ملتے ہی اسلام آباد پولیس اور ٹریفک پولیس کی نفری فوری طور پر موقع پر پہنچ گئی اور صورتحال کو قابو میں لیا۔ پولیس حکام کے مطابق حادثے میں کسی شخص کو چوٹ نہیں آئی جبکہ گاڑی کو جزوی نقصان پہنچا۔
واقعے کے بعد ٹریفک کی روانی کو بھی بحال کر دیا گیا اور ضروری قانونی کارروائی مکمل کی گئی۔
