سیو آور پاک
پاکستان کے نائب وزیر اعظم اور وزیر خارجہ اسحاق ڈار اور ایران کے وزیر خارجہ عباس عراقچی کے درمیان ٹیلی فون پر رابطہ ہوا، جس میں خطے کی موجودہ صورتحال پر تفصیلی گفتگو کی گئی۔
دفترِ خارجہ کے ترجمان کے مطابق دونوں رہنماؤں نے ایران سمیت پورے خطے میں جاری حالات پر تبادلۂ خیال کیا اور امن و استحکام کی اہمیت پر زور دیا۔ اس موقع پر اسحاق ڈار نے خطے میں امن کے فروغ کے لیے نیک خواہشات کا اظہار کیا۔
ترجمان نے بتایا کہ دونوں وزرائے خارجہ نے باہمی دلچسپی کے امور پر قریبی رابطہ اور دوطرفہ مشاورت جاری رکھنے پر اتفاق کیا۔ بات چیت کے دوران اس امر پر بھی زور دیا گیا کہ خطے میں تعاون اور مکالمہ ہی مسائل کے حل کا بہتر راستہ ہے۔
