سیو آور پاک
وفاقی وزیر داخلہ محسن نقوی نے پاک بحریہ کے اینٹی شپ میزائل کے کامیاب تجربے پر پوری قوم کو مبارکباد پیش کی ہے۔ انہوں نے اس کامیابی کو دفاعی میدان میں ایک اہم سنگ میل قرار دیا ہے۔
محسن نقوی نے کہا کہ یہ کامیاب تجربہ پاک بحریہ کے سائنسدانوں اور انجینئرز کی محنت اور صلاحیت کا واضح ثبوت ہے۔ ان کے مطابق یہ کارنامہ پاکستان کے دفاعی شعبے میں ایک قابلِ فخر اضافہ ہے۔
انہوں نے مزید کہا کہ فیلڈ مارشل عاصم منیر اور نیول چیف ایڈمرل نوید اشرف کی قیادت میں پاکستان مسلسل دفاعی میدان میں کامیابیاں حاصل کر رہا ہے، جو ملک کی مضبوطی کی علامت ہے۔
وزیر داخلہ کا کہنا تھا کہ یہ میزائل تجربہ سمندری سرحدوں کے دفاع کو مزید مضبوط اور قابلِ اعتماد بناتا ہے، اور پاکستان کی بحری صلاحیتوں میں اہم اضافہ ہے۔
