سیو آور پاک
امریکی صدر ڈونلڈ ٹرمپ نے ایران کی توانائی تنصیبات پر ممکنہ حملوں کو مزید 10 دن کے لیے مؤخر کرنے کا اعلان کر دیا ہے، جس کے بعد یہ کارروائی اب 6 اپریل تک ملتوی ہو گئی ہے۔
خبر ایجنسی کے مطابق صدر ٹرمپ کا کہنا ہے کہ اس فیصلے کی درخواست تہران کی جانب سے کی گئی تھی۔ انہوں نے بتایا کہ ایران کے ساتھ مذاکرات مثبت انداز میں آگے بڑھ رہے ہیں اور دونوں ممالک کے درمیان بات چیت کا سلسلہ جاری ہے۔
تاہم ایرانی حکام کی طرف سے ابھی تک اس بات کی کوئی واضح تصدیق سامنے نہیں آئی کہ وہ بھی اس فیصلے سے مکمل طور پر متفق ہیں یا نہیں۔
یاد رہے کہ اس سے قبل پیر کے روز صدر ٹرمپ نے ایران کے جوہری مراکز پر ممکنہ حملے کی دھمکی کو جمعہ تک مؤخر کرنے کا اعلان کیا تھا، لیکن اب اس مدت میں مزید 10 دن کا اضافہ کر دیا گیا ہے۔
تجزیہ کاروں کے مطابق اس فیصلے سے ظاہر ہوتا ہے کہ امریکہ اور ایران کے درمیان کشیدگی کم کرنے کی کوششیں جاری ہیں اور دونوں ممالک فوری تصادم سے گریز کرنا چاہتے ہیں۔
